(ACCnews) “ვინაიდან ამ კვირაში დედამიწის დღეს აღვნიშნავთ, საელჩოში სპიკერების ვირტუალურ პროგრამას ვუმასპინძლეთ. პროგრამის ფარგლებში სკოლის მოსწავლეები და სტუდენტები ჩაერთვნენ გარემოს დაცვის საკითხების შესახებ დისკუსიაში, კერძოდ, განიხილეს, როგორ უწყობს ხელს გარემოს დაცვა ეკონომიკურ ზრდას, ენერგოუსაფრთხოებასა და პლანეტის ჯანმრთელობას” – ნათქვამია საქართველოში აშშ-ის საელჩოს ფეისბუქ-გვერდზე გამოქვეყნებულ ინფორმაციაში.
ახალგაზრდებს ესაუბრნენ აშშ-ის ელჩი კელი დეგნანი, USAID-ის ეკონომიკური ზრდის ოფისის ხელმძღვანელი მარიკა ოლსონი და საქართველოს განახლებადი ენერგიის განვითარების ასოციაციის წარმომადგენელი ირინა პეტრიაშვილი.
მათ განიხილეს, როგორ მუშაობენ ერთად ამერიკელები და ქართველები, რომ გააძლიერონ საქართველოს ენერგოსისტემის მდგრადობა გარე გავლენების მიმართ და რომ წაახალისონ კერძო ინვესტიციები განახლებად ტექნოლოგიებში.
