(ACCnews) “კელი დეგნანი არის ერთ-ერთი საუკეთესო დიპლომატი, პროფესიონალი და ჩვენ ვამაყობთ მისით. აშშ-ის საელჩოს დადანაშაულება და კრიტიკა სრულიად აბსურდულია. – ასე ეხმაურება ევროპაში აშშ-ის არმიის ყოფილი მთავარსარდალი, ბენ ჰოჯესი ზოგიერთი პოლიტიკოსის მიერ გაჟღერებულ ბრალდებებს, რომ საქართველოს სტრატეგიულ პარტნიორებს საქართველოში ომი სურთ, ასევე აშშ-ის საელჩოსა და ელჩის მიმართ წაყენებულ სხვა ბრალდებებს.
მისი თქმით, საქართველოს მთავრობამ უნდა უზრუნველყოს ისტორიის სწორ მხარეს დგომა.
„ეს არის სრული აბსურდი. კელი დეგნანი არის ერთ-ერთი საუკეთესო დიპლომატი, პროფესიონალი და ჩვენ ვამაყობთ მისით. აშშ-ის საელჩოს დადანაშაულება და კრიტიკა სრულიად აბსურდულია. გვიკვირს, რომ საქართველოს მთავრობა არ გმობს რუსეთს, როგორც აგრესორს. საქართველოს მომავალი მაშინვე გაუმჯობესდება, როგორც კი უკრაინა დაამარცხებს რუსეთს და ვფიქრობ, მთავრობამ უნდა უზრუნველყოს ისტორიის სწორ მხარეს დგომა“, – აღნიშნა ბენ ჰოჯესმა.
ცნობისთვის, საქართველოში საერთაშორისო კონფერენცია „დიდება უკრაინას“ იმართება. კონფერენციას ევროპელი და ამერიკელი დიპლომატები, ქართველი პოლიტიკოსები და მესამე სექტორის წარმომადგენლები ესწრებიან. ღონისძიება საქართველოში უკრაინის სოლიდარობისა და მხარდაჭერის მიზნით იმართება.
