ACCnews — აშშ-მ წერილობით აცნობა გაეროს ადამიანის უფლებათა დაცვის მაღალჩინოსანს, რომ მას აქვს “სანდო ინფორმაცია” იმის შესახებ, რომ რუსული ძალები ადგენენ იმ უკრაინელთა სიებს, რომლებიც უნდა “მოკლან ან გაგზავნონ ბანაკებში”, ქვეყანაში შეჭრის შემდეგ.
„შეერთებულმა შტატებმა ცოტა ხნის წინ მოიპოვა შემაშფოთებელი ინფორმაცია, რომელიც მიუთითებს იმაზე, რომ იგეგმება ადამიანის უფლებების დარღვევა სამხედრო შეჭრის შემდეგ“, განაცხადა აშშ-ს წარმომადგენელმა გაეროში, ჟენევაში. აღნიშნული ინფორმაცია ელჩმა გაეროს ადამიანის უფლებათა უმაღლესს კომისარს მიაწოდა.
„ეს ქმედებები, რომლებსაც ადრეც ჰქონდა ადგილი რუსეთის წინა სამხედრო ოპერაციებში, მათ შორის მიზანმიმართული მკვლელობები, გატაცებები, გაუჩინარება, უსამართლო დაკავებს და წამება, სავარაუდოდ მიზანმიმართული იქნება მათ წინააღმდეგ, ვინც ეწინააღმდეგება რუსეთის ქმედებებს, მათ შორის უკრაინაში დევნილობაში მყოფ რუსი და ბელორუსი დისიდენტები, ჟურნალისტები და ანტი-კორუფციულ აქტივისტები, რელიგიური და ეთნიკური უმცირესობები და LGBTQI+ პირები“, – ნათქვამია წერილში, რომელიც პირველად The Washington Post-მა გაავრცელა და CNN-მა მოიპოვა.
წერილში არ იყო ნათქვამი, თუ როგორ მოიპოვა აშშ-მა ეს ინფორმაცია. გაეროს ადამიანის უფლებათა უმაღლესი კომისრის ოფისმა დაადასტურა, რომ მიიღო ეს შეტყობინება.
კროკერმა დასძინა, რომ გაეროს ადამიანის უფლებათა უმაღლესი კომისრის ოფისისთვის ამ ინფორმაციის გაზიარების მიზანი იყო „ადრეული გაფრთხილება, რომ რუსეთის შემდგომმა შეჭრამ უკრაინაში შეიძლება შექმნას ადამიანის უფლებების მხრივ კატასტროფა“. მისი თქმით, აშშ-ს სახელმწიფო მდივანმა ანტონი ბლინკენმა ეს შეშფოთება უშიშროების საბჭოსთან 17 თებერვალს გამოთქვა.
ორშაბათს კრემლმა უარყო ბრალდება სიასთან დაკავშირებით და მას “აბსოლუტური ფიქცია” უწოდა.
(CNN)
