(ACCnews) აშშ-ის პრეზიდენტის, ჯო ბაიდენის განცხადებით, თუ რუსეთის პრეზიდენტი ნამდვილად დაინტერესებულია ომის დასრულებით, მზადყოფნას გამოთქვამს, მას ესაუბროს.
როგორც მან ფრანგ კოლეგასთან, ემანუელ მაკრონთან შეხვედრის შემდეგ, თეთრ სახლში გამართულ პრესკონფერენციაზე განაცხადა, პუტინთან მოლაპარაკებებს მხოლოდ ნატო-ს მოკავშირეებთან კონსულტაციით გამართავს.
„ბატონ პუტინთან დაკავშირების გეგმა არ მაქვს, მაგრამ მზად ვარ ბატონ პუტინთან სასაუბროდ, თუ ის რეალურადაა დაინტერესებული ომის დასრულების გზის გამოძებნით. მას ეს ჯერ არ გაუკეთებია“, – განაცხადა ბაიდენმა.
მისი თქმით, უკრაინის ომის დასრულება შესაძლებელია მხოლოდ მაშინ, თუ პუტინი ქვეყნის ტერიტორიიდან ჯარებს გაიყვანს.
„ეს ომი შეიძლება დასრულდეს ერთი რაციონალური გზით – თუ პუტინი გაიყვანს ჯარებს უკრაინიდან. როგორც ჩანს, ის ამას არ აპირებს. ის ძალიან მძიმე ფასს იხდის ამისთვის“, – აღნიშნა ბაიდენმა.
