ევროკავშირის ელჩმა საქართველოში კარლ ჰარცელმა მედიასთან კომენტარში განაცხადა, რომ არ სურს სპეკულაციები საქართველოს ევროკავშირის წევრობის კანდიდატი ქვეყნის სტატუსთან დაკავშირებით. მისი თქმით, როგორიც არ უნდა იყოს გადაწყვეტილება, დასკვნა იქნება იგივე, რომ საქართველომ უნდა განაგრძოს მუშაობა და წინსვლა ევროკავშირის წევრობის გზაზე.
„საქართველოს, უკრაინისა და მოლდოვის ევროკავშირში გაწევრიანების საკითხი, ბოლო კვირების განმავლობაში განვითარებული მოვლენების ნაწილია. მოველი, რომ მომავალ დღეებში გამოქვეყნდება ევროკომისიის შეფასება. ამის შემდეგ წევრ სახელმწიფოებს შორის იქნება დისკუსია შესაძლო გადაწყვეტილებასთან დაკავშირებით, რომელიც მათ უნდა მიიღონ. არ დავიწყებ სპეკულაციებს ევროკომისიის შეფასების შედეგებსა და ევროკავშირის საბჭოს საბოლოო გადაწყვეტილებასთან დაკავშირებით. მხოლოდ ვიტყვი, რომ არა აქვს მნიშვნელობა, როგორი იქნება შედეგები, დაბალი მოლოდინები იქნება თუ უფრო მეტი, ვიდრე იმედები პირობებით ან პირობების გარეშე. ერთია მთავარი, დასკვნა იგივე იქნება, რომ დროა, საქართველო შეუდგეს მუშაობას ამ საკითხთან დაკავშირებით. ახლა დროა დაჯდომის იმის უზრუნველსაყოფად, რომ მოხდეს სტაბილური წინსვლა იმ კუთხით, რაც საჭიროა საქართველოს ევროკავშირში წევრობისთვის. პოლიტიკოსების ძალა ამ საქმეში, რა თქმა უნდა, არის ის ფაქტი, რომ ისინი ეყრდნობიან მოსახლეობის უმრავლესობას, რომლებიც მხარს უჭერენ ამ სტრატეგიულ ამოცანას“
