აშშ-ს პრეზიდენტმა, ჯო ბაიდენმა თეთრ სახლში გამართულ ბრიფინგზე რუსეთის მოქალაქეებს მიმართა და განაცხადა, რომ ისინი ამერიკის მტრები არ არიან.
როგორც ბაიდენმა ბრიფინგზე აღნიშნა, მას არ სჯერა, რომ რუს მოქალაქეებს უკრაინაში სისხლიანი და დესტრუქციული ომის დაწყება სურდეთ.
“უკრაინა არ ემუქრება რუსეთს. არც აშშ-ს და არც ნატოს არ გააჩნიათ რაკეტები უკრაინაში. ჩვენ არ გვაქვს და არ გვაქვს გეგმები მათი იქ განთავსებაზე. ჩვენ არ ვამიზნებთ რუსეთის მოსახლეობას. ჩვენ არ ვცდილობთ რუსეთის დესტაბილიზაციას. რუსეთის მოქალაქეებს: თქვენ არ ხართ ჩვენი მტერი. არ მჯერა, რომ თქვენ გინდათ სისხლიანი, დესტრუქციული ომი უკრაინის წინააღმდეგ. თუ რუსეთი თავს დაესხმება უკრაინას, ეს იქნება არჩევანის ომი, ან ომი უმიზეზოდ. მე ამას ვამბობ არა პროვოცირების მიზნით, არამედ სიმართლის სათქმელად, რადგან სიმართლეს აქვს მნიშვნელობა. ანგარიშვალდებულება მნიშვნელოვანია,” – განაცხადა ჯო ბაიდენმა.
