(ACCnews) უკრაინის პრეზიდენტი ვლადიმირ ზელენსკი აცხადებს, რომ ნორვეგია მზადაა უკრაინას ზამთრისთვის საჭირო რაოდენობის გაზი მიაწოდოს. – ამის შესახებ უკრაინის სახელმწიფოს მეთაურმა უკრაინელი ხალხისადმი მიმართვაში განაცხადა.
“მადლობა ნორვეგიას ძალიან გონივრული გადაწყვეტილების მიღებისთვის. ეს ასევე ეხება შეიარაღებულ მხარდაჭერას. ნორვეგიის როლი შეიძლება მართლაც ისტორიული გახდეს ევროპის დაცვაში,” – განაცხადა ზელენსკიმ.
პრეზიდენტმა დასძინა, რომ გადაწყვეტილება ასევე ეხება უკრაინის ენერგოსისტემის მხარდაჭერას.
“მადლობას ვუხდი ნორვეგიას მზადყოფნისთვის, დაეხმაროს უკრაინას ამ ზამთარს საჭირო რაოდენობის ბუნებრივი აირით,” – განაცხადა ზელენსკიმ.
