“შარლ მიშელს ვაცნობე იმ საფრთხის შესახებ, რომელიც რუსეთმა ზაპოროჟიეს ატომურ სადგურზე დარტყმით შექმნა” – ვოლოდიმირ ზელენსკი

(ACCnews) “ახლა საჭიროა საერთაშორისო საზოგადოების პრინციპული პასუხი რუსეთის ამ თავდასხმებზე ზაპოროჟიეს ატომურ ელექტროსადგურზე, რომელიც ყველაზე დიდი ატომური ელექტროსადგურია ევროპაში, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.

უკრაინის პრეზიდენტის თქმით, მსოფლიოში არ არსებობს ისეთი ერი, რომელიც თავს დაცულად გრძნობს, როდესაც ტერორისტული სახელმწიფო ატომურ სადგურს ბომბავს.

„ევროკავშირის საბჭოს ხელმძღვანელს, შარლ მიშელს ვაცნობე იმ საფრთხის შესახებ, რომელიც რუსეთმა შექმნა ზაპოროჟიეს ატომურ სადგურზე დარტყმით. ახლა საჭიროა საერთაშორისო საზოგადოების პრინციპული პასუხი რუსეთის ამ თავდასხმებზე, რომელიც ყველაზე დიდი ატომური ელექტროსადგურია ევროპაში. მსოფლიოში არ არსებობს ისეთი ერი, რომელიც თავს დაცულად გრძნობს, როდესაც ტერორისტული სახელმწიფო ატომურ სადგურს ბომბავს.

მომავალ კვირას ველოდებით სიახლეებს პარტნიორებისგან მხარდაჭერის პაკეტებთან დაკავშირებით, კარგ ამბავს. ამ ზაფხულის პერიოდში, ყოველ კვირას სულ უფრო და უფრო მეტი ინფორმაცია ვრცელდება იმის შესახებ, რომ ოკუპანტები ჩვენი ქვეყნის სამხრეთის ოკუპირებულ რაიონებში ფსევდორეფერენდუმებისთვის ემზადებიან. ძალიან მარტივი რამ მინდა, ვთქვა: ყველა, ვინც რაიმე სახით ეხმარება ოკუპანტებს ამ განზრახვის რეალიზებაში, პასუხს აგებს. ჩვენი სახელმწიფოს პოზიცია ისეთივეა, როგორიც ადრე იყო: ჩვენ არაფერს დავთმობთ და თუ ოკუპანტები ამ ფსევდორეფერენდუმების გზას გაჰყვებიან, საკუთარი თავისთვის დახურავენ უკრაინასთან და თავისუფალ სამყაროსთან მოლაპარაკების ნებისმიერ შესაძლებლობას, რაც რუსულ მხარეს გარკვეულ მომენტში აუცილებლად დასჭირდება“, – აღნიშნა ვოლოდიმირ ზელენსკიმ.