(ACCnews) პრეზიდენტმა ვლადიმირ ზელენსკიმ მინისტრთა კაბინეტს დაავალა განიხილოს ბელორუსთან უვიზო რეჟიმის გაუქმების საკითხი. აღნიშნულ საკითხზე პეტიცია, რომელიც 4 ივლისს გამოქვეყნდა, 25000 ხმა მიიღო. ამის შესახებ უკრაინული მედია წერს.
პეტიციას უკრაინის პრეზიდენტი გამოეხმაურა. როგორც ზელენსკი აღნიშნავს, ბელორუსის საზღვარზე ყველა საგუშაგო დაკეტილია, გარდა ვოლინის ერთისა, რომელიც მუშაობს შეზღუდულ რეჟიმში, სადაც მუშავდება ჩვენი ქვეყნის ტერიტორიაზე დაბრუნებული უკრაინის მოქალაქეები.
ზელენსკი უკრაინის მინისტრთა კაბინეტს სთხოვს განიხილოს ელექტრონულ პეტიციაში წამოჭრილი საკითხი თავისი კომპეტენციის შესაბამისად, ასევე გააგრძელოს შესაბამისი ღონისძიებების გატარება, უკრაინის სახელმწიფოსა და მისი მოქალაქეების ეროვნული ინტერესების დაცვით.
შეგახსენებთ, უკრაინამ რუსეთთან უვიზო მიმოსვლა 1 ივლისიდან გააუქმა.
