(ACCnews) “ხვალ თუ ნატო-ში გაწევრიანებას შემოგვთავაზებენ და არ ითამაშებენ ჩვენი სიცოცხლით, ჩვენ გავწევრიანდებით, თუმცა სამწუხაროდ, ეს არ მოხდება, – ამის შესახებ უკრაინის პრეზიდენტმა ვოლოდიმირ ზელენსკიმ მედიასთან განაცხადა.
მისი თქმით, უკრაინა უსაფრთხოების გარანტიებს თავად შექმნის, რათა მოქალაქეების სიცოცხლე დაცული იყოს.
“უკრაინას არ აქვს ქვეყნების სია, რომლებსაც გარანტორად დადგომა შეუძლიათ. ხვალ თუ ჩვენ ნატო-ში გაწევრიანებას შემოგვთავაზებენ, არ ითამაშებენ ჩვენი სიცოცხლით, არამედ სერიოზულად შემოგვთავაზებენ, ჩვენ გავწევრიანდებით, თუმცა სამწუხაროდ, ეს არ მოხდება და სამწუხაროდ, არ მოხდა. ამიტომ ჩვენთვის უსაფრთხოების გარანტიებს შევქმნით, რომელიც დაგვეხმარება, დავიცვათ სიცოცხლე“, – განაცხადა ზელენსკიმ.
ცნობისათვის, რუსეთის ჯარის უკრაინაში შესვლიდან უკვე 41 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 3 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსრტალიამ სანქციები დაუწესა.
