“სიტყვები არ მყოფნის იმის ასახსნელად, თუ რას ვგრძნობ – ეს არის სისასტიკე, ეს არის ომის დანაშაულები” – შარლ მიშელი

(ACCnews)   “სიტყვები არ მყოფნის იმის ასახსნელად, თუ რას ვგრძნობ – ეს არის სისასტიკე, ეს არის ომის დანაშაულები,” – ამის შესახებ უკრაინაში ოფიციალური ვიზიტით მყოფმა ევროპული საბჭოს პრეზიდენტმა, შარლ მიშელმა განაცხადა.

“სიტყვები არ მყოფნის იმის ასახსნელად, თუ რას ვგრძნობ, არა როგორც ევროპული საბჭოს პრეზიდენტი, არამედ როგორც მამა, როგორც ადამიანი. ეს არის სისასტიკე, ეს არის ომის დანაშაულები, ეს უნდა იყოს დასჯილი და დაისჯება. მათ რაც გააკეთეს იქ და უკრაინის ბევრ სხვა ქალაქში, ამისთვის ფასი უნდა გადაიხადონ”, – განაცხადა შარლ მიშელმა.

ცნობისთვის, ევროსაბჭოს პრეზიდენტი, შარლ მიშელი უკრაინაში ოფიციალური ვიზიტით იმყოფებოდა. ვიზიტის ფარგლებში შარლ მიშელმა ქალაქი ბოროდიანკა მოინახულა, სადაც რუსული ძალების მიერ, აქტიური დაბომბვები მიმდინარეობდა. ქალაქის მონახულების შემდეგ, ევროსაბჭოს პრეზიდენტი უკრაინის პრეზიდენტ ვოლოდიმირ ზელენსკის შეხვდა. შეხვედრის შემდეგ ლიდერებმა ერთობლივი ბრიფინგი გამართეს.