(ACCnews) თეთრი სახლი ზელენსკის მოულოდნელი ვიზიტის დეტალებს ავრცელებს. აშშ-ის პრეზიდენტმა ჯო ბაიდენმა უკრაინის პრეზიდენტი ვოლოდიმირ ზელენსკი ვაშინგტონში, 11 დეკემბერს სატელეფონო საუბრისას მიიწვია. სამი დღის წინ უკრაინის ლიდერი დათანხმდა. ეს იქნება მისი პირველი ვიზიტი საზღვარგარეთ 2022 წლის 24 თებერვლის რუსეთის შეჭრის შემდეგ.
ბრიფინგზე ბაიდენის ადმინისტრაციის მაღალჩინოსანმა განაცხადა, რომ უკრაინულმა მხარემ წინასწარი მოწვევა მიიღო გასულ პარასკევს და ზელენსკიმ საბოლოოდ დაადასტურა ვიზიტი კვირას, იტყობინება თეთრი სახლის ვებგვერდი.
„ეს ვიზიტი ხაზს გაუსვამს შეერთებული შტატების ურყევ ვალდებულებას, მხარი დაუჭიროს უკრაინას მანამ, სანამ ეს საჭიროა, მათ შორის ეკონომიკური, ჰუმანიტარული და სამხედრო დახმარების გაწევის გზით“, – ნათქვამია თეთრი სახლის განცხადებაში.
თეთრი სახლი ხაზგასმით აღნიშნავს, რომ ბაიდენი არ აპირებს ზელენსკის ზეწოლას უბიძგოს რუსეთთან მოლაპარაკებებში, არამედ იმუშავებს იმისთვის, რომ მომავალში უკრაინა მოლაპარაკებების მაგიდასთან უკეთეს მდგომარეობაში იყოს.
