(ACCnews) გამოცემა The Wall Street Journal-ის ინფორმაციას, რომლის თანახმად, უკრაინის პარლამენტის წევრი, რუსტემ უმეროვი, ერთ-ერთია, ვინც აბრამოვიჩთან ერთად სავარაუდო მოწამვლის მსხვერპლი გახდა, გავრცელებულ ინფორმაციას არ ადასტურებს.
როგორც უკრაინის პარლამენტის წევრი სოციალურ ქსელ “ტვიტერში” წერს, ის კარგად არის და საზოგადოებას სთხოვს, რომ გადაუმოწმებელ ინფორმაციას არ ენდონ.
“კარგად ვარ. ეს არის ჩემი პასუხი ყველა იმ ყვითელი სიახლის შესახებ, რომელიც ვრცელდება. გთხოვთ არ ენდოთ გადაუმოწმებელ ინფორმაციას. ჩვენ საინფორმაციო ომშიც ვიმყოფებით. თავს გაუფრთხილდით, დიდება უკრაინას”, – წერს უმეროვი.
ცნობისთვის, რამდენიმე საათის წინ, გამოცემა “Wall Street Journal”-მა სანდო წყაროზე დაყრდნობით ინფორმაცია გაავრცელა, რომლის თანახმად, რუს ოლიგარქს, რომან აბრამოვიჩსა და უკრაინული დელეგაციის 2 წევრს, რომლებიც ერთმანეთს კიევში, მარტის დასაწყისში, სამშვიდობო მოლაპარაკებების ფარგლებში შეხვდნენ, შეხვედრის შემდეგ, სავარაუდოდ, მოწამვლის სიმპტომები ჰქონდათ.
