(ACCnews) “იცით, როგორ გახადოთ სამოქალაქო განათლება სახალისო და საინტერესო? გაგაცნობთ რამოდენიმე ახალგაზრდას, ვისაც აქვს პასუხი ამ კითხვაზე” – USAID/საქართველოს მისიის დირექტორმა პიტერ ვიბლერმა სერთიფიკატები და “ბიბლუსის” ვაუჩერები ეროვნული კონკურსის სამ გამარჯვებულ სტუდენტს/გუნდს გადასცა.
USAID-ის მხარდაჭერით ჩატარებული კონკურსი ორგანიზებული იყო სამოქალაქო განათლების შესახებ ცნობიერების ამაღლების კამპანიის #ისწავლერომშეცვალო ფარგლებში.
ახალგაზრდებმა წარადგინეს იდეები, თუ როგორ შეიძლება გახდეს სამოქალაქო განათლება უფრო საინტერესო და სახალისო ყველასთვის, როგორც მასწავლებლისთვის, ასევე მოსწავლისთვის.
გამარჯვებული იდეები ეხებოდა სტუდენტურ თვითმმართველობას, მედიაწიგნიერებასა და პროფესისს არჩევის პროცესს.
გამარჯვებულები არიან: ლიზი დუგლაძე (რუსთავის #13 საჯარო სკოლა); მარიამ ნაცვლიშვილი (ქუთაისის სკოლა „პროგრესი“), ნია თავდიშვილი, ეკატერინე სანდუხაძე და ნიკოლოზ ირემაძე (თბილისის 221-ე საჯარო სკოლა).
