(ACCnews) საქართველოში წარმოებული საქონელი ხშირად გვხვდება მუყაოს შეფუთვაში, რომელიც უმეტესად „ფაბრიკა 1900“-ის მიერაა დამზადებული.
„ფაბრიკა 1900“ გოფრირებული მუყაოს შესაფუთი მასალების უმსხვილესი მწარმოებელია საქართველოში.
“USAID-ის მიერ საწარმოსათვის გაწეული მხარდაჭერა- პროგრამული უზრუნველყოფისა და წარმოებისათვის საჭირო აღჭურვილობა, ხელს უწყობს კომპანიას გააფართოოს წარმოება, მოახდინოს საწარმოო ხაზების დივერსიფიკაცია, გააფართოოს მომხმარებელთა რიცხვი და შექმნას დამატებითი სამუშაო ადგილები”,- ამის შესახებ ინფორმაციას აშშ-ის საელჩო სოციალურ ქსელში ავრცელებს.
შეერთებული შტატების ელჩი საქართველოში კელი დეგნანი “ფაბრიკა 1900-ს” ეწვია, გაეცნო კომპანიის გაფართოების და წარმატების გზას და სამომავლო გეგმებს.
ელჩის ვიზიტი შედგა აშშ-სა და საქართველოს 30 წლიანი პარტნიორობის აღსანიშნავად.
მისი თქმით, მრავალწლიანი პარტნიორობა ხელს უწყობს ინკლუზიურ და თანამედროვე ეკონომიკას.
