(ACCnews) აშშ-ში კონგრესის შუალედური არჩევნების შედეგების მიხედვით, წარმომადგენელთა პალატაში რესპუბლიკურმა პარტიამ 218 ადგილი აიღო, რითაც უმრავლესობა მოიპოვა.
წარმომადგენელთა პალატაზე კონტროლის მოსაპოვებლად მინიმუმ სწორედ 218 მანტადი იყო საჭირო.
თუმცა, შუალედური არჩევნების ხმების დათვლა ჯერ კიდევ მიმდინარეობს.
პროგნოზირებენ, რომ 435-მანდატიან წარმომადგენელთა პალატაში „რესპუბლიკური პარტია“, საბოლოო ჯამში, 223 ადგილს მოიპოვებს. ამ დროისთვის დემოკრატები გარანტირებულად 210 ადგილს ფლობენ.
რაც შეეხება სენატს, აქ უმრავლესობის შენარჩუნება დემოკრატებმა შეძლეს. ამ დროისთვის მათ უკვე 50 ხმა აქვთ. არჩევნების მეორე ტური ჯორჯიის შტატში უნდა გაიმართოს. თუმცა, მის შედეგს ძალთა ბალანსზე გავლენა აღარ ექნება.
