(ACCnews) აშშ-ის სენატმა 99 ხმით ერთის წინააღმდეგ, შვედეთისა და ფინეთის ნატო-ში გაწევრიანების ხელშეკრულების რატიფიცირება განახორციელა.
წინააღმდეგ ერთადერთმა რესპუბლიკელმა სენატორმა, ჯოშ ჰოულიმ დააფიქსირა ხმა. ახლა დოკუმენტი ხელმოსაწერად პრეზიდენტთან გადაიგზავნება.
ნატოს გაფართოების დოკუმენტს მხარი დაუჭირა საფრანგეთის პარლამენტმაც.
21 ივლისს საფრანგეთის ზედა პარალატაში კენჭისყრის შემდეგ, ახლა დოკუმენტს მხარი უკვე ეროვნული კრების დეპუტატებმაც დაუჭირეს. საკითხს საფრანგეთის საგარეო საქმეთა მინისტრი სოციალურ ქსელში გამოეხმაურა.
“შვედეთისა და ფინეთის წევრობა ჩვენს ალიანსს გააძლიერებს, რათა დავიცვათ ჩვენი ფასეულობები და ცხოვრების წესი და ჩვენი თავისუფლება მათგან, ვინც საფრთხეს უქმნის მათ“, – წერს კატრინ კოლონა „ტვიტერზე“.
