(ACCnews) “თეთრ სახლში ფიქრობენ, რომ რუსეთის ტერორიზმის სპონსორად დასახელება საუკეთესო გზა არ არის.” – ამის შესახებ თეთრის სახლის პრესსპიკერმა, კარინ ჟან-პიერმა ბრიფინგზე ისაუბრა.
თეთრი სახლის წარმომადგენლის თქმით, აშშ-ის მიერ რუსეთის ტერორიზმის სპონსორ ქვეყნად აღიარებამ შესაძლოა, უკრაინისა და მსოფლიოსთვის გაუთვალისწინებელი შედეგები გამოიწვიოს და სერიოზული გავლენა მოახდინოს უკრაინის რაიონებში ჰუმანიტარული დახმარების მიწოდებაზე.
„ამ ნაბიჯმა შესაძლოა, კრიტიკული მნიშვნელობის ჰუმანიტარულ და კომერციულ მოთამაშეებს პრობლემა შეუქმნას საკვების ექსპორტში, გლობალური საკვების კრიზისის შემსუბუქებაში და ძირი გამოუთხაროს შავი ზღვის საპორტო შეთანხმებას, რომელმაც უკვე უზრუნველყო მილიონ ტონაზე მეტი უკრაინული საკვების ექსპორტით მსოფლიოსთვის მიწოდება, მათ შორის აფრიკისთვის. ეს ასევე გააუფასურებს ჩვენ უპრეცედენტო პირობას, რომელიც იყო ეფექტური პუტინის წინააღმდეგ. ამან შესაძლოა, ძირი გამოუთხაროს ჩვენ შესაძლებლობას უკრაინის დახმარების კუთხით მოლაპარაკების მაგიდასთან“, – განაცხადა თეთრი სახლის პრესსპიკერმა.
ცნობისათვის, ჟურნალისტის შეკითხვაზე, უნდა იყოს თუ არა რუსეთი აღიარებული ტერორიზმის სპონსორად,აშშ-ს პრეზიდენტმა ჯო ბაიდენმა განაცხადა „არა“.
შეგახსენებთ, რუსეთის ტერორიზმის სპონსორ სახელმწიფოდ აღიარებას უკრაინის ხელისუფლება ითხოვს.
აშშ–ის ტერორიზმის სპონსორ სახელმწიფოებად ოფიციალურად ჰყავს აღიარებული კუბა, ირანი, სირია და ჩრდილოეთ კორეა.
