(ACCnews) აშშ-ის საელჩო მოსკოვში, სოციალური ქსელით ვიდეომიმართვას ავრცელებს და სოლიდარობას უცხადებს რუსეთის იმ მომქალაქეებს, ვინც მშვიდობიანი მომავლის შექმნისკენ ისწრაფვის.
უკრაინაში ომის კადრების ფონზე, აშშ-ის საელჩო რუსეთის მოქალაქეებს მიმართავს, რომ არ ეკადრებათ ის, რაც ხდება.
ვიდეომიმართვას, თან ახლავს რუსული სუბტიტრები და გამოყენებულია სხვადასხვა ისტორიული მოვლენის თუ ადგილის ამსახველი კადრები.
როგორც სუბტიტრებში ვკითხულობთ, აშშ და რუსეთი მეტოქეობდნენ და თანამშრომლობდნენ მსოფლიოში წარმოქმნილი უდიდესი გამოწვევების დასაძლევად, რუსულ ლიტერატურას ასწავლიან ამერიკულ სკოლებში, რუსულ მუსიკალურ ნაწარმოებებს ასრულებენ ამერიკის ყველაზე პრესტიჟულ კულტურულ დაწესებულებებში და მთელი ისტორიის განმავლობაში მათ ქვეყნებს აახლოებდა კულტურის და მიღწევების ერთობა.
შეგახსენებთ, 2022 წლის დეკემბერში, ამერიკის შეერთებული შტატების სენატმა მხარი დაუჭირა პრეზიდენტ ბაიდენის მიერ რუსეთში ელჩის თანამდებობაზე წარდგენილი ლინ ტრეისის კანდიდატურას. ტრეისი პირველი ქალია, რომელიც ვაშინგტონმა მოსკოვში ელჩად დანიშნა.
