(ACCnews) 7 ნოემბერს ეროვნული ბიბლიოთეკის საგამოფენო დარბაზში საუკეთესო სტუდენტები დაჯილდოვდნენ.
“გალფის სასტიპენდიო პროგრამის” ფარგლებში 100 საუკეთესო პირველკურსელი ყოველთვიურად 300-ლარიან სტიპენდიას მიიღებს.
არველაძეების ფონდს კი საუკეთესო ქულების მქონე 12 პირველკურსელი 10-13 ნოემბერს იტალიაში, ნეაპოლში, ნაპოლი-უდინეზეს მატჩზე ხვიჩა კვარაცხელიას საგულშემატკივროდ მიჰყავს.
“გრანდიოზული ამბავი: 12 წარჩინებული სტუდენტი ნეაპოლში, ნაპოლის თამაშზე გაემგზავრება და ხვიჩა კვარაცხელიასაც მოინახულებს. მათთან ერთად მეც ვიქნები. გარდა ამისა, 100 საუკეთეოს სტუდენტს გალფის სტიპენდია დაენიშნება თვეში 300 ლარის ოდენობით. ეს დიდი საჩუქარი კომპანია გალფის და არველაძეების ფონდის ხელშეწყობით გაიმართა, განათლების სამინისტროს ხელშეწყობით და ამერიკის საელჩოს თანამდგომით”, – წერს სოციალურ ქსელში გიორგი კეკელიძე.
