(ACCnews) რუსმა ჯარისკაცებმა მარიუპოლში სცემეს უკრაინელი ჩინოვნიკები და აწამეს ისინი ელექტროშოკით, ასევე გაძარცვეს სახლები, – აცხადებენ აშშ-ს ადმინისტრაციაში.
ვაშინგტონის თქმით, რუსი ოფიციალური პირები “შეშფოთებულნი არიან იმით, რომ ამ ქმედებებმა შეიძლება წაახალისოს მარიუპოლის მცხოვრებლები, კიდევ უფრო მეტი წინააღმდეგობა გაუწიონ რუსეთის ოკუპაციას”.
შეგახსენებთ, მარიუპოლი იქცა უმძიმესი და გმირული ბრძოლის ველად. მარიუპოლი აზოვის ზღვაზე მდებარე საპორტო ქალაქია, რომელსაც ორ თვეზე მეტია რუსი ოკუპანტები აკონტროლებენ.
მარიუპოლი მდებარეობს დონბასის რეგიონში, სადაც მოსკოვის მხარდაჭერილი სეპარატისტები რვა წლის განმავლობაში ებრძვიან უკრაინის სამხედროებს. ქალაქის დაკავება რუსეთს ყირიმის ნახევარკუნძულზე სახმელეთო დერეფანს მისცემს.
