(ACCnews) აშშ და ისრაელი დღეს ხელს მოაწერენ ერთობლივ შეთანხმებას, რომელიც ირანის მიერ ბირთვული იარაღით აღჭურვის პრევენციას ისახავს მიზნად. ინფორმაციას როიტერი იავრცელებს.
„დეკლარაცია საკმაოდ მნიშვნელოვანია. ის მოიცავს ვალდებულებას, არასდროს დაუშვან ირანის მიერ ბირთვული იარაღის ფლობა და გულისხმობს ბრძოლას ირანის დესტაბილიზაციური ქმედებების წინააღმდეგ, განსაკუთრებით, ისრაელის მიმართ საფრთხეების წინააღმდეგ“, – აცხადებენ თეთრ სახლში.
ჯო ბაიდენი ახლო აღმოსავლეთის ტურნეს ფარგლებში, ისრაელში 13 ივლისს ჩავიდა. მოგვიანებით ის მდინარე იორდანეს დასავლეთ სანაპიროზე პალესტინის ლიდერსაც შეხვდება, შემდეგ კი საუდის არაბეთში გაემართება.
