(ACCnews) “პოლიციის აკადემია ჩვენი ერთ-ერთი მნიშვნელოვანი პარტნიორია საქართველოს სამართალდამცავი ორგანოების პროფესიონალიზმისა და შესაძლებლობის გაუმჯობესების გზაზე. ათწლეულების განმავლობაში აშშ-ის საელჩო მხარს უჭერს აკადემიის ინსტიტუციურ განვითარებას, იქნება ეს ინფრასტრუქტურის გაუმჯობესებით, აღჭურვილობის გადაცემით, გამოცდილების გაზიარებით, სასწავლო პროგრამის ჩამოყალიბებითა თუ პროფესორ-მასწავლებლებისა და სტუდენტების მომზადებით”, – ინფორმაციას ამის შესახებ შეერთებული შტატების საელჩოს ოფიციალური ვებგვერდი აქვეყნებს.
აშშ-საქართველოს ურთიერთობის 30 წლისთავზე ელჩი დეგნანი აკადემიას ამ მნიშვნელოვანი პარტნიორობის აღსანიშნავად ეწვია.
“ჩვენ ვამაყობთ მიღწეული პროგრესით და მოუთმენლად ველით აკადემიასთან პარტნიორობის გაგრძელებას, მათ შორის მისი მიზნის მხარდასაჭერად, გახდეს რეგიონული სასწავლო ცენტრი”, – განაცხადა ელჩმა.
