(ACCnews) “გაიცანით ათასწლეულის ინოვაციის კონკურსის წლევანდელი გამარჯვებულები. რადიაციის კვლევის, მონიტორინგისა და უსაფრთხოების სისტემის პროექტით პირველ ადგილზე გავიდა გუნდი LIGGA. გამარჯვებულები აშშ-ში, ნასას კოსმოსური ცენტრის უნივერსიტეტის ბანაკში გაემგზავრებიან”, – ინფორმაციას ამის შესახებ საქართველოში შეერთებული შტატების საელჩო, სოციალურ ქსელში, საკუთარ გვერდზე ავრცელებს.
ტყის ხანძრების ადრეული მონიტორინგისთვის მიკროტექნოლოგიასა და სენსორებზე დაფუძნებული დაბალბიუჯეტიანი სადგურების ქსელის პროექტით მეორე ადგილზე გავიდა გუნდი FIRELINK. გამარჯვებულები აშშ-ში, სტენფორდის უნივერსიტეტის iD Tech ბანაკში მიიღებენ მონაწილეობას.
უნივერსალური მეგობარი სახლის პროექტით მესამე ადგილზე გავიდა გუნდი MAD SCIENTISTS. გამარჯვებულები შვეიცარიაში, ბირთვული კვლევების ევროპულ ცენტრს მოინახულებენ.
