“გადაუდებელი დახმარებისა და კრიზისული შემთხვევებისთვის, სპეციალურად აღჭურვილი $225 000 ღირებულების კარვები საქართველოს საგანგებო სიტუაციების კოორდინაციისა და გადაუდებელი დახმარების ცენტრს გადავეცით”, – ინფორმაციას ამის შესახებ საქართველოში შეერთებული შტატების საელჩო, სოციალურ ქსელში, საკუთარ გვერდზე ავრცელებს.
როგორც ირკვევა, ეს კარვები ყველა სახის საგანგებო მდგომარეობისას, მაღალი დონის საველე დახმარებას უზრუნველყოფს. აღნიშნული დახმარება ნაწილია აშშ-ის თავდაცვის სფეროში თანამშრომლობის სამსახურის უფრო დიდი ძალისხმევისა, რომლის მიზანიც საქართველოს მზადყოფნისა და რეაგირების შესაძლებლობების გაუმჯობესებაა.
