(ACCnews) ჩვენი მისიის ერთ-ერთი ყველაზე წარმატებული პროგრამა ACCESS-ია, რომელიც საქართველოს მასშტაბით სოციალურად დაუცველ სკოლის მოსწავლეებს ინგლისური ენის უფასო კურსებს სთავაზობს. – ამის შესახებ ინფორმაციას შეერთებული შტატების საელჩო საქართველოში საკუთარ ფეისბუქ-გვერდზე ავრცელებს.
“წლების განმავლობაში ვნახეთ, როგორ შეცვალა ამ პროგრამამ თავისი მონაწილეების ცხოვრება: ბევრი მათგანი სხვადასხვა გაცვლითი პროგრამის ფინალისტი გახდა ან კლასგარეშე კურსებიდან მიღებული ცოდნის საფუძველზე დასაქმდა. დღეს მოხარული ვართ, კიდევ 250 მოსწავლეს მივულოცოთ ACCESS-ის კურსდამთავრებულთა კორპუსის წევრობა. ეს შესანიშნავი მიღწევაა და დარწმუნებული ვართ, ყველა თქვენგანისთვის, მხოლოდ, უკეთესის დასაწყისი იქნება”. – აღნიშნულია გვერდზე.
