(ACCnews) საქართველოში ამერიკის შეერთებული შტატების საელჩო სასტუმრო „თბილისი მერიოტის“ ძველი და განახლებულ შენობის ფოტოებს ავრცელებს და აღნიშნავს, რომ ეს შენობა ქვეყანაში განახლებისა და აშშ-ის ინვესტიციის კარგი მაგალითია.
“ბევრი რამ შეიძლება მოხდეს 30 წლის განმავლობაში. ამ ისტორიული შენობის გარდასახვა საქართველოში აშშ-ის მთავრობის ინვესტიციის შესანიშნავი ილუსტრაციაა. აშშ-ის საერთაშორისო საფინანსო განვითარების კორპორაცია (ყოფილი OPIC) საქართველოს ეკონომიკის განვითარებასა და დივერსიფიკაციაზე მუშაობს, თბილისი მარიოტი კი მათი წარმატებული საქმიანობის მხოლოდ ერთი მაგალითია.
კორპორაციის მთავარი აღმასრულებელი ოფიცერი, სკოტ ნეითანი ოფიციალური ვიზიტისას აშშ-საქართველოს ეკონომიკური თანამშრომლობის ამ და სხვა პროექტს პირადად იხილავს. – წერს ამერიკის საელჩო.
