(ACCnews) შეერთებული შტატების ელჩი საქართველოში, კელი დეგნანი ახალციხის სკოლის მოსწავლეებს კითხვის სიყვარულს უზიარებს. ელჩმა მონაწილეობა მიიღო ამერიკის კუთხეში გამართულ წიგნის მეგობრების აქტივობაში. ელჩმა და მოსწავლეებმა საყვარელი ნაწარმოებებიდან ნაწყვეტები წაუკითხეს ერთმანეთს. ინფორმაციას ამის შესახებ საქართველოში შეერთებული შტატების საელჩო, სოციალურ ქსელში, საკუთარ გვერდზე ავრცელებს.
“კითხვით და წერით ბავშვების დაინტერესება ერთ-ერთი გზაა, რომლითაც USAID ხელს უწყობს საქართველოში ახალგაზრდებისთვის ფუნდამენტური უნარების განვითარებას, რაც მათი წარმატების საწინდარი იქნება”, – აღნიშნულია გავრცელებულ ინფორმაციაში.
“უკვე 30 წელია ვთანამშრომლობთ საქართველოსთან და ხელს ვუწყობთ განათლების გაუმჯობესებას, მათ შორის სკოლების განახლებას და პროფესიული ტრენინგებისთვის თანამედროვე სასწავლო გეგმის შეთავაზებას”, – ვკითხულობთ გვერდზე.
