საქართველოს ტოლერანტობის მდიდარი ისტორია აქვს და ამით დამსახურებულად ამაყობს. ამის ყველაზე თვალსაჩინო მაგალითი საქართველოში ებრაელთა მრავალსაუკუნოვანი მშვიდობიანი თანაცხოვრებაა. ინფორმაციას ამის შესახებ საქართველოში შეერთებული შტატების საელჩო, სოციალურ ქსელში, საკუთარ გვერდზე ავრცელებს.
საელჩოს ინფორმაციით, ისინი ახალციხეში ამ ისტორიის ნაწილს 281 წლის სინაგოგაში გაეცნენ.
“დიდ მადლობას ვუხდით გულთბილი მასპინძლობისთვის რაბინ სიმონ ლევიშვილსა და მის ოჯახს, რომელიც 27 წელია ერთგულად უვლის და პატრონობს ევროპის ერთ-ერთ უძველეს სინაგოგას”, – ვკითხულობთ გვერდზე.
