(ACCnews) უკრაინელი ჯარისკაცები აგრძელებენ რუსი დამპყრობლების განადგურებას. რამდენიმე დღეში მტერმა მნიშვნელოვანი ზარალი განიცადა უკრაინის თავდაცვის ძალების წარმატებული თავდასხმების შედეგად. ინფორმაციას “უნიანი” ავრცელებს.
როგორც უკრაინის შეიარაღებული ძალების გენერალური შტაბის დილის რეზიუმეშია აღნიშნული, ენერგოდარის მხარეში რუსი დამპყრობლების ობიექტის დამარცხება დადასტურდა.
„მიმდინარე წლის 26 ნოემბერს თავდაცვის ძალების მოქმედებების შედეგად განადგურდა 6 ერთეული სხვადასხვა ტიპის სამხედრო ტექნიკა და დაიჭრა 30-მდე სამხედრო მოსამსახურე. დაშავებულია 80-მდე დამპყრობელი. დაღუპული ოკუპანტების რაოდენობა ზუსტდება“, – ნათქვამია ანგარიშში.
გარდა ამისა, დაახლოებით 30 ერთეული დაზიანებული მტრის სამხედრო ტექნიკა დაფიქსირდა.
გუშინ უკრაინის შეიარაღებული ძალების გენერალურმა შტაბმა გაავრცელა ინფორმაცია, რომ უკრაინელმა ჯარისკაცებმა დონბასში მოიგერიეს მტრის თავდასხმები ხუთ დასახლებულ პუნქტთან. დონეცკის რეგიონში დამპყრობლები თავს დაესხნენ უკრაინელ დამცველებს ვერხნეკამენსკის, ბელოგოროვკას და მარინკას მახლობლად, ასევე ლუგანსკის რეგიონში.
გენერალურმა შტაბმა დაამატა, რომ მტერი ცდილობდა თავისი ფორმირებების გაძლიერებას ავდეევკის, ლიმანსკის და ნოვოპავლოვსკის მიმართულებით.
აღსანიშნავია, რომ 27 ნოემბრის მდგომარეობით უკრაინელმა სამხედროებმა 87 310 ადამიანის ლიკვიდაცია მოახდინეს.
