(ACCnews) უკრაინის პრეზიდენტის აპარატის უფროსის მრჩეველის, მიხაილ პოდოლიაკის განცხადებით, მოლაპარაკებებზე განხილვის მთავარი თემა უკრაინის უსაფრთხოების საერთაშორისო გარანტიების შესახებ შეთანხმებაა.
როგორც პოდოლიაკიმ რუსეთ-უკრაინის მოლაპარაკებების შუალედური ბრიფინგზე განაცხადა, “საკითხების მეორე ნაწილი არის ცეცხლის შეწყვეტა, რათა ყველა ჰუმანიტარული პრობლემა მოგვარდეს.”
“კიდევ ერთი პრობლემა, რომელიც სულ უფრო მძაფრდება, არის სიძულვილის ესკალაცია, ომის წესების დარღვევის ესკალაცია და არა მხოლოდ ბრძოლის ველზე – ტელევიზიის ეთერებშიც კი ხანდახან ისმის მოწოდებები ამა თუ იმ ერის განადგურების შესახებ, რაც იწვევს კონფლიქტებს და პატიმართა მიმართ სასტიკ მოპყრობას,”- აცხადებს მიხაილ პოდოლიაკი.
ცნობისათვის, სტამბულში, დოლმაბაჰჩეს სასახლეში უკრაინისა და რუსეთის დელეგაციებს შორის მოლაპარაკებები მიმდინარეობს. შეხვედრას თურქეთის პრეზიდენტი რეჯეფ თაიფ ერდოღანი მასპინძლობს.
რუსეთის ჯარის უკრაინაში შესვლიდან უკვე 34 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 3 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსრტალიამ სანქციები დაუწესა.
