(ACCnews) აშშ-ის სახელმწიფო მდივნის, ენტონი ბლინკენის განცხადებით, ამერიკის შეერთებულ შტატებს ამ ეტაპზე არ შეუძლია იმ ფაქტის დადასტურება, რომ უკრაინაში რუსულმა მხარემ ქიმიური იარაღი გამოიყენა.
“ეს მოიცავს ქიმიურ აგენტებთან შერეულ ცრემლსადენ გაზს, რომლებიც უფრო ძლიერ სიმპტომებს იწვევს, რათა შეასუსტონ და გაანადგურონ უკრაინელი მებრძოლები და მშვიდობიანი მოსახლეობა მარიუპოლის დაპყრობის აგრესიულ მოქმედებების დროს. ჩვენ პირდაპირი კომუნიკაცია გვაქვს პარტნიორებთან, რათა დავადგინოთ, რა მოხდა. ეს ძალიან შემაშფოთებელია,” – განაცხადა ენტონი ბლინკენმა.
შეგახსენებთ, რომ გუშინ, უკრაინულმა მედიამ ინფორმაცია გაავრცელა, რომლის თანახმადაც, რუსმა ოკუპანტებმა მარიუპოლში ქიმიური იარაღი გამოიყენეს. ამასთან, მედიის ინფორმაციით, მოწამვლის სიმპტომები რამდენიმე ადამიანს აღენიშნება.
