“რუსებმა დაწვეს ბევრი ადამიანი ბუჩაში, ირპენსა და ჰოსტომელში, ამიტომ ვამბობ, რომ ისინი ნაცისტები არიან” – ზელენსკი

(ACCnews) “რუსებმა დაწვეს ბევრი ადამიანი ბუჩაში, ირპენსა და ჰოსტომელში, მათ დაწვეს ოჯახები – ამიტომ ვამბობ, რომ ისინი ნაცისტები არიან,” – ამის შესახებ უკრაინის პრეზიდენტმა, ვოლოდიმირ ზელენსკიმ თურქულ ტელეარხთან  Habertürk-თან ინტერვიუში განაცხადა.

“მათ დაწვეს ბევრი ადამიანი ამ რაიონებში – ბუჩაში, ირპენსა და ჰოსტომელში. მათ დაწვეს მთლიანი ოჯახები. გუშინ ჩვენ ახალი ოჯახი ვიპოვეთ: მამა, დედა და ორი მცირეწლოვანი ბავშვი. ამიტომ ვამბობ, რომ ისინი ნაცისტები არიან. ეს ასეა. ისინი წვავენ ცხედრებს, რადგან ეშინიათ,” – განაცხადა ვოლოდიმირ ზელენსკიმ.

ცნობისთვის, რამდენიმე დღის წინ ქალაქი ბუჩა უკრაინულმა არმიამ რუსი დამპყრობლებისგან გაათავისუფლა. ქალაქის გათავისუფლების შემდეგ უკრაინულმა მხარემ ბუჩაში მშვიდობიანი  მოქალაქეების ცხედრები იპოვეს. საერთაშორისო მედია-სააგენტოების ფოტო-რეპორეპორტაჟებში ჩანს ქუჩებში მიმოფანტული მოკლული ადამიანები. ჟურნალისტების და უკრაინის ხელისუფლების წარმომადგენელთა ინფორმაციით კი ზოგიერთ მოკლულს ხელები შეკრული ჰქონდა.