(ACCnews) ამერიკის შეერთებული შტატების პრეზიდენტმა, ჯო ბაიდენმა თეთრ სახლში სიტყვით გამოსვლისას აშშ-ში საწვავის ფასების ზრდა რუსეთის უკრაინაში შეჭრას დაუკავშირა.
როგორც ბაიდენმა სიტყვით გამოსვლისას აღნიშნა, აშშ-ში ერთი გალონი საწვავი საშუალოდ 4.20 დოლარი ღირს მაშინ, როდესაც წლის დასაწყისში 3.30 დოლარი ღირდა.
“ამის მიზეზი პუტინის ომია. ახლა მსოფლიოს მასშტაბით ბევრი ადამიანი აღარ ყიდულობს რუსულ ნავთობს. მე ავკრძალე რუსული ნავთობის იმპორტი ამერიკაში. “რესპუბლიკელებმა” და “დემოკრატებმა” კონგრესში მხარი დაუჭირეს ამას. ეს სწორი ნაბიჯი იყო. თუმცა, მე მაშინ ვთქვი, რომ ამას თავისი ფასი ექნებოდა. მაშინ, როდესაც რუსული ნავთობი მსოფლიო ბაზრიდან გადის, ნავთობის მიწოდება იკლებს, ხოლო ფასები იზრდება. ეს კი ამერიკელებს ურტყამს,” – აღნიშნა აშშ-ის პრეზიდენტმა.
ინფორმაციისთვის, რუსეთის უკრაინაში შეჭრამ ნავთობისა და ბენზინის ფასების ზრდა გამოიწვია.
