(ACCnews) “უკრაინის სატანკო ფლოტის ნახევარზე მეტი “რუსული ლენდ-ლიზისგან” შედგება,” – ამის შესახებ „ევროპული ჭეშმარიტების“ ცნობით, ნათქვამია ბრიტანეთის თავდაცვის სამინისტროს სადაზვერვო მიმოხილვაში.
როგორც დაზვერვის ანგარიშშია აღნიშნული, “დატყვებული” რუსული აღჭურვილობა ახლა უკრაინის სამხედრო ტექნიკის მნიშვნელოვან ნაწილს შეადგენს.
“უკრაინამ, სავარაუდოდ, დაიპყრო სულ მცირე 440 რუსული მთავარი საბრძოლო ტანკი და დაახლოებით 650 სხვა ჯავშანტექნიკა. ამჟამად მოქმედი უკრაინის სატანკო ფლოტის ნახევარზე მეტი პოტენციურად დატყვევებული მანქანებისგან შედგება”, – ნათქვამია მიმოხილვაში.
ბრიტანული დაზვერვის მტკიცებით, რუსული ეკიპაჟების უუნარობა გაანადგურონ დაუზიანებელი აღჭურვილობა გაყვანამდე ან ჩაბარებამდე, მიუთითებს მათი მომზადების ცუდ მდგომარეობაზე და საბრძოლო დისციპლინის დაბალ დონეზე.
„მიუხედავად იმისა, რომ რუსული ფორმირებები რამდენიმე სექტორში ძლიერი ზეწოლის ქვეშ არიან და ჯარები სულ უფრო დემორალიზებულია, რუსეთი, სავარაუდოდ, გააგრძელებს მძიმე იარაღის დაკარგვას“, – პროგნოზირებს დიდი ბრიტანეთის თავდაცვის სამინისტრო.
