(ACCnews) “2015 წლიდან ძალიან ინტენსიურად დავიწყეთ მასალებისა და მკიცებულებების მიწოდება და სწორედ ეს მტკიცებულებები გახდა საფუძველი, რომ გამოძიება დამთავრდა საქართველოს სასარგებლოდ”– ასე გამოეხმაურა „ხალხის ძალის“ ერთ-ერთმა ლიდერი სოზარ სუბარი სისხლის სამართლის საერთაშორისო სასამართლოში, 2008 წლის აგვისტოს ომის გამოძიების დასრულებას.
მისი თქმით, სანამ „ქართული ოცნება“ მოვიდოდა ხელისუფლებაში საქართველო არ თანამშრომლობდა ჰააგის სისხლის სამართლის სასამართლოსთან, თუმცა ისინი იძიებდნენ, აწარმოებდნენ გამოძიებას.
„თუ არ ვითანამშრომლებდით, შესაბამისად მტკიცებულებებსაც ვერ მივაწვდიდით და ეს საქმე როგორ შემოტრიალდებოდა, არავინ იცის. ამ ფონზე იყო, როდესაც 2015 წლიდან საქართველოს ხელისუფლებამ დაიწყო მასალების მიწოდება, უფრო ადრეც, მაგრამ 2015 წლიდან ძალიან ინტენსიურად დავიწყეთ მასალებისა და მკიცებულებების მიწოდება და სწორედ ეს მტკიცებულებები გახდა საფუძველი, რომ გამოძიება დამთავრდა საქართველოს სასარგებლოდ“, – განაცხადა სოზარ სუბარმა.
სისხლის სამართლის საერთაშორისო სასამართლოს პროკურორმა, კარიმ ხანმა, საქართველოს სიტუაციის გამოძიების ეტაპის დასრულების შესახებ განაცხადა.
