“აშშ-ის არჩევნებში რესპუბლიკელების წარმატება არ შეაფერხებს უკრაინის დახმარებას” – იენს სტოლტენბერგი

(ACCnews) “აშშ-ის არჩევნებში რესპუბლიკელების წარმატება არ შეაფერხებს უკრაინის დახმარებას” – ამის შესახებ ნატოს გენერალურმა მდივანმა იენს სტოლტენბერგმა განაცხადა.

სტოლტენბერგმა უარყო გავრცელებული ინფორმაციას, რომ აშშ-ის შუალედურ არჩევნებში რესპუბლიკელთა წარმატებებმა შეიძლება შეაფერხოს დასავლეთის მხრიდან უკრაინის სამხედრო მხარდაჭერა.

მისი თქმით, ის დეტალურ კომენტარს ვერ გააკეთებს შუალედური არჩევნების ხმების დათვლის პროცესზე, რომელიც ამჟამად მიმდინარეობს. თუმცა ჟურნალისტებს უთხრა, რომ „სრულიად ნათელია, რომ შეერთებულ შტატებში უკრაინას ორივე პარტიის მხრიდან აქვს ძლიერი მხარდაჭერა.“

დიდი ბრიტანეთის პრემიერ-მინისტრ რიშ სუნაკთან მოლაპარაკებების შემდეგ სტოლტენბერგმა ასევე პირობა დადო, რომ ალიანსი „განაგრძობს უკრაინის დახმარებას“.