(ACCnews) მსოფლიოში კაფეების უმსხვილესმა ქსელმა „სტარბაქსმა“ რუსეთის ბაზრიდან სრულად წასვლის შესახებ განაცხადა.
კომპანია რუსეთში 15 წლის განმავლობაში საქმიანობდა და ქვეყნის მასშტაბით 130 კაფე ჰქონდა, დაახლოებით ორი ათასი თანამშრომლით.
მარტის დასაწყისში უკრიანაში რუსეთის ინტერვენციის შემდეგ, „სტარბაქსმა“ რუსეთში საქმიანობა შეაჩერა. ახლა კი კომპანიაში განაცხადეს, რომ რუსეთის ბაზრის საბოლოოდ დატოვების გადაწყვეტილება მიიღეს.
უკრაინაში შეჭრის შემდეგ, იზრდება იმ კომპანიების სია, რომლებიც რუსეთში მომსახურებას ზღუდავენ ან ბაზრიდან გადიან.
კომპანიების ნაწილი ასკვნის, რომ ქვეყანაში საქმიანობის გაგრძელება როგორც ფინანსებს, ასევე რეპუტაციას რისკის ქვეშ აყენებს.
