(ACCmews) Maxar Technologies-ის ახალმა სატელიტურმა სურათებმა აღბეჭდა უკრაინაში მოპარული მარცვლეულის რუსულ გემებზე ოკუპირებულ სევასტოპოლში ჩატვირთვის პროცესი, – ინფორმაციას CNN-ზე დაყრდნობით ტელეგრამი ავრცელებს.
სურათებზე გამოსახულია ხომალდები “Matros Pozinich” და “Matros Koshka”. ისინი მიმაგრებულია მარცვლეულის სილოსის გვერდით. სურათებზე ჩანს ასევე თუ როგორ ყრიან მარცვლებს გემების ღია სათავსოებში.
გემების თვალთვალის ვებსაიტის MarineTraffic-ის მიხედვით, ორივე გემმა დატოვა პორტი. „მატროს პოზინიჩი“ ეგეოსის ზღვაში მიცურავს და ლიბანის დედაქალაქ ბეირუთისკენ მიემართება, „მატროს კოშკა“ კი ჯერ კიდევ შავ ზღვაშია.
The Times ასევე წერს, რომ დიდი ბრიტანეთი მოლაპარაკებებს აწარმოებს მოკავშირეებთან შავ ზღვაში სამხედრო გემების გაგზავნის მიზნით, რათა დაიცვას უკრაინული მარცვლეულის გადამზიდავი სატვირთო გემები.
