შეერთებული შტატების ელჩი საქართველოში კელი დეგნანი აშშ-საქართველოს დიპლომატიური ურთიერთობების 30 წლისთავის აღსანიშნავად სამეგრელო-ზემო სვანეთს ეწვევა.
“გაიცანით ედუარდ ფარცვანია, სამეგრელოში პირველი სოციალური სივრცე „მეგო ბარისა” და „მეგო ბასის” დამაარსებელი. ამერიკული გამოცდილების შთაგონებით სხვადასხვა აქტივობისთვის ედუარდი ახალგაზრდებს უფასოდ უთმობს სივრცეს და „მეგო ბასის” შემთხვევაში ადგილზე მიაქვს ეს სივრცე და რესურსები მათთან. გასტრონომიული, სათავგადასავლო და აგროტურების შეთავაზებით კი ედუარდი ხელს უწყობს საქართველოში სათავგადასავლო და კულინარიული ტურიზმის პოპულარიზაციას”, – ინფორმაციას ამის შესახებ აშშ-ის საელჩო საკუთარ გვერდზე ავრცელებს.
