(ACCnews) “ეს რომ ოცნებამ თქვას, ხომ წარმოგიდგენიათ, რა ამბავი ატყდება?!“ – ასე ეხმაურება ანალიტიკოსი ამირან სალუქვაძე საქართველოს პროკურორის ყოფილი მოადგილის, უკრაინის მოქალაქის, დავით საყვარელიძის მიერ გუშინ გაკეთებულ განცხადებას, სადაც საყვარელიძემ ამერიკის შეერთებული შტატები გააკრიტიკა.
„აქაური ნაციონალები ამერიკის ელჩს უტევენ, იქაური მთელ ამერიკას…
რატომ აღვივებენ ანტიამერიკულ განწყობებს? ფსევდომედასავლეთეები,“- წერს ამირან სალუქვაძე.
ცნობისათვის, გახმაურებული განცხადება, რომელსაც გარკვეული პოლიტიკურ წრეების მხრიდან კრიტიკა მოჰყვა, დავით საყვარელიძემ ტელეკომპანია „პირველის“ ეთერში გააკეთა.
“აშშ არ ჩქარობს რომ ეს ომი დაამთავროს ორ კვირაში ან ერთ თვეში, რაც მეტად ჩაეფლობა რუსეთი ამ ომში, მით უფრო მეტად აწყობს შეერთებულ შტატებს,” – განაცხადა დავით საყვარელიძემ.
