(ACCnews) “საქართველოს ე.წ. ხელისუფლებამ ფსონი დადო რუსეთის გამარჯვებაზე, აბა ვის გაუგია რუსეთმა წააგოს – ჩაგივარდათ კოვზი ნაცარში?!”- ამის შესახებ საქართველოს ყოფილმა პრეზიდენტმა მიხეილ სააკაშვილმა 7 ნოემბრის საქმეზე მიმდინარე სასამართლო სხდომაზე განაცხადა.
სააკაშვილის თქმით, უკრაინა დამაჯერებლად გაიმარჯვეს და ქვეყნიდან მტრის ჯარს გააძევებს. ექსპრეზიდენტი უკრაინაში ქართველ მებრძოლებზეც საუბრობს და აცხადებს, რომ საქართველოს მთავრობა სამართლებრივ დევნას მათ წინააღმდეგაც აწარმოებს.
“უკრაინა იმარჯვებს დიდი უპირატესობით, უკრაინა გამოყრის რუსებს თავის ტერიტორიიდან, მათ შორის, ჩვენი 2 ათასი მებრძოლის მონაწილეობით, რომლებიც იქ არიან იბრძვიან. ამ მებრძოლებზე მიმართაც აქვს საქმე აღძრული საქართველოს მთავრობას.
იმ ჩვენს გმირებს, ვინც იცავენ უკრაინას, ამ სასამართლო დარბაზში ელოდებიან, რათა გაასამართლონ. ეს არის კიდევ ერთი სამარცხვინო დადასტურება, რომ საქართველოს მართავს არა მთავრობა, არამედ მოღალატეების ჯგრო. ეს არის საქართველოს მოღალატეების ბანდა, რომელიც ჩვენს ხალხს ანადგურებს,”- აცხადებს მიხეილ სააკაშვილი.
