“აშშ ყოველთვის ღიაა რუსეთის წინააღმდეგ დამატებითი სანქციებისთვის” – ჯო ბაიდენი

(ACCnews) “აშშ ყოველთვის ღიაა რუსეთის წინააღმდეგ დამატებითი სანქციებისთვის,”- ეს განცხადება ამერიკის შეერთებული შტატების პრეზიდენტმა, ჯო ბაიდენმა ევროკავშირისა და დიდმა ბრიტანეთის მიერ რუსეთის წინააღმდეგ დამატებითი სანქციების გამოცხადების შემდეგ გააკეთა.

“მიმდინარე კვირაში საუბარი მექნება “დიდი შვიდეულის” წევრებთან იმის შესახებ, თუ რას ვაპირებთ,” – განაცხადა ჯო ბაიდენმა.

შეგახსენებთ, რომ ევროკომისიის პრეზიდენტმა, ურსულა ფონ დერ ლაიენმა რუსეთის წინააღმდეგ სანქციების მე-6 პაკეტი წარადგინა, რომელიც რუსეთიდან ნავთობის იმპორტის აკრძალვას შეიცავს.