(ACCnews) უკრაინამ რუს მომღერლებს, რეჟისორებს, მსახიობებსა და პროპაგანდისტებს სანქციები დაუწესა. შესაბამის განკარგულებას უკრაინის პრეზიდენტმა, ვოლოდიმირ ზელენსკიმ, ხელი მოაწერა.
განკარგულების თანახმად, მათ აეკრძალებათ სავაჭრო ოპერაციების შესრულება, გაუუქმდებათ ყველა ლიცენზია ან ნებართვა და აეკრძალებათ ფასიანი ქაღალდების ტრანზაქცია უკრაინაში, დაებლოკებათ უკრაინული აქტივები.
სიაში სულ 119 ადამიანია. მათ შორის არიან: ფილიპ კირკოროვი, დიმა ბილანი, ნიკიტა მიხალკოვი, ირინა ალეგროვა, ევგენი პეტროსიანი, მარგარიტა სიმონიანი, ლეონიდ იაკუბოვიჩი და სხვები.
სიაში ასევე მოხვდა უკრაინის სამი მოქალაქეც: ტელეწამყვანი ჟანა ბადოევა, ფეხბურთელი ანატოლი ტიმოშჩუკი და მომღერალი ლოლიტა მილავსკაია.
