(accnews) რუსეთი ბირთვულ იარაღს მხოლოდ იმ შემთხვევაში გამოიყენებს, თუ მის არსებობას საფრთხე დაემუქრება,” – ამის შესახებ რუსეთის პრეზიდენტის ოფიციალურმა წარმომადგენელმა, დიმიტრი პესკოვმა განაცხადა.
“ჩვენ გვაქვს ეროვნული უსაფრთხოების კონცეფცია, რომელშიც გაწერილია ბირთვული იარაღის გამოყენების საფუძვლები. კონცეფციის თანახმად, თუ ჩვენი ქვეყნის არსებობას საფრთხე დაემუქრება, ბირთვული იარაღის გამოყენება შესაძლებელია,” – განაცხადა პესკოვმა.
შეგახსენებთ, 27 თებერვალს, ვლადიმერ პუტინმა რუსეთის ბირთვული ძალების მზადყოფნაში მოყვანის შესახებ ბრძანება გასცა. ბრძანების შესაბამისად, რუსეთის თავდაცვის სამინისტრომ 28 თებერვალს განაცხადა, რომ მისი ბირთვული სარაკეტო ძალები და ჩრდილოეთ და წყნარი ოკეანის ფლოტი გაძლიერებული რეჟიმზე გადავიდა.
