“რუსეთს უნდა შეუჩერდეს გაერო-ს ადამიანის უფლებათა საბჭოში მონაწილეობის უფლება” – ლინდა ტომას-გრინფილდი

(accnews) აშშ-ის წარმომადგენელი, ლინდა ტომას-გრინფილდის განცხადებით, რუსეთს გაერო-ს ადამიანის უფლებათა საბჭოში მონაწილეობის უფლება უნდა შეუჩერდეს. შესაბამისი განცხადება მან გაერო-ს უშიშროების საბჭოს სხდომაზე რამდენიმე წუთის წინ გააკეთა.

ამასთან, როგორც აშშ-ს წარმომადგენელმა სხდომაზე განაცხადა, რუსეთი არ უნდა იკავებდეს ხელმძღვანელ პოსტს ორგანოში, რომლის მთავარ მიზანსაც ადამიანის უფლებათა დაცვის ხელშეწყობა წარმოადგენს.

ასევე, ლინდა ტომას-გრინფილდმა გაეროს სხდომაზე სიტყვით გამოსვლისას აღნიშნა, რომ არაპროვოცირებული ომისა და ჰუმანიტარული კრიზისის შემდეგ, რუსეთის მონაწილეობა ზიანს აყენებს ადამიანის უფლებათა დაცვის საბჭოს სანდოობას.