(ACCnews) ამერიკაში მიმდინარე კონგრესის არჩევნებზე “ჯორჯიან თაიმსის ეთერში”, გადაცემაში “რეალური პოლიტიკა მალხაზ გულაშვილთან ერთად” პარტია “ხალხის ძალას” ერთ-ერთმა წევრმა დავით ქართველიშვილმა ისაუბრა.
მისი თქმით, საქართველოს ინტერესები ამერიკაში უნდა დავიცვათ, მიუხედავად იმისა რესპუბლიკელები იქნებიან სათავეში თუ დემოკრატები.
“ჩვენ საქართველოს ინტერესები უნდა დავიცვათ ამერიკაში დემოკრატების მმართველობის დროსაც და რესპუბლიკელების მმართველობის დროსაც. ეს არის ჩვენი საბაზისო ღირებულების დაცვა, რომელიც არ უნდა დახურდავდეს არცერთი სტატუსის სანაცვლოდ და მით უმეტეს არცერთ ისეთ ორგანიზაციაში შესასვლელად, სადაც ჩვენი ფასეულობები აღიზიანებთ.” – განაცხადა დავით ქართველიშვილმა.
დღეს აშშ-ში კონგრესის შუალედური არჩევნები იმართება, არჩევნების შედეგები გადაწყვეტს, რომელი პარტია გააკონტროლებს კონგრესს.
აშშ-ის მოქალაქეები აირჩევენ 435-წევრიანი წარმომადგენელთა პალატის სრულ შემადგენლობას და სენატის 35 წევრს.
