(ACCnews) “უკრაინა ყოველთვის მზადაა დაეხმაროს მსოფლიოს ჰუმანიტარული მისიებით, მაგრამ თავად რუსები უნდა იყვნენ დაინტერესებული რუსეთში ხელისუფლების ცვლილებით”. ამის შესახებ უკრაინის პრეზიდენტმა ვლადიმირ ზელენსკიმ ფრანგულ ტელეარხებთან TF1 და LCI-თან ინტერვიუში განაცხადა.
„მე არ მაქვს ეს ინფორმაცია (რომ პუტინის რეჟიმი შეიძლება დაეცა – რედ.). თუ გსურთ ჩვენი დახმარება, ჩვენ ვართ ადამიანები, რომლებიც ყოველთვის მზად ვართ დავეხმაროთ მსოფლიოს ჰუმანიტარული მისიებით. რაც შეეხება ხელისუფლების შეცვლას, ვფიქრობ, უპირველეს ყოვლისა, უნდა იყოს გამოხატული მათი ხალხის, მათი საზოგადოების ინტერესი. სწორედ მათ ართმევენ თავისუფლებას, მათ წაართვეს ისტორია, ისინი იზოლირებულნი არიან სამყაროსგან“, – განაცხადა ზელენსკიმ.
მან დასძინა, რომ თუ რუსებს არ სურთ ხელისუფლების შეცვლა, რასაც ასეთი შედეგები მოჰყვება, ისინი სახელმწიფოს, კულტურისა და ისტორიის დაკარგვის რისკის ქვეშ იქნებიან.
