(ACCnews) ლვოვის მერი ანდრეი სადოვი და ლვოვის პირველი სამედიცინო ასოციაციის ხელმძღვანელი რომის პაპ ფრანცისკეს შეხვდნენ. შეხვედრას სადოვოის მეუღლეც ესწრებოდა. ამის შესახებ ანდრეი სადოვიმ თავის Telegram-ში განაცხადა.
“გაკვირვებული ვიყავი, როდესაც მივიღე ეს შემოთავაზება. ეკატერინასთან, ოლეგ სამჩუკთან და სერგეი კირალთან ერთად, ჩვენ ყურადღებით მოვემზადეთ შეხვედრისთვის. გვეთქვა ყველაფერი, რაც საჭიროა, ყველაფერი რაც მნიშვნელოვანია”, – წერს ის.
სადოვოიმ გამოაქვეყნა ხის ჯვრის ფოტო. ფოტოზე ხის ჯვარი სიკეთისა და სიმართლის გამარჯვების სიმბოლოა, რომელიც რუსული რაკეტის ფრაგმენტმა „დაჭრა“.
“დაჭრილი, მაგრამ ურღვევი, როგორც ყველა უკრაინელი.
ეს ფრაგმენტი ამოიღეს ცამეტი წლის გოგონა ნასტიასგან.
რომის პაპმა იცის ამის შესახებ.
ვფიქრობ, სიმბოლიკა ყველას კარგად ესმოდა.
კათოლიკური ეკლესიის წინამძღვარმა ჯვარი აკურთხა და ახლა მსოფლიოს ეკლესიებში გაემგზავრება, რათა ყველა მორწმუნეს მოუწოდოს ილოცონ უკრაინისთვის. მას ექნება კიდევ ერთი ასეთი ჯვარი, რათა ყოველდღე შეახსენოს უკრაინელების მიერ სიმართლისა და თავისუფლებისთვის გადახდილი ფასი” – წერს სადოვოი.
სადოვოიმ ასევე დასძინა, რომ შეხვედრის თემებს შორის იყო რუსული აგრესიის შედეგები და ლვოვში დაწყებული პროექტი #UNBROKEN ომში დაზარალებული უკრაინელების მკურნალობის, პროთეზირებისა და რეაბილიტაციისთვის.
