(ACCnews) რუსეთმა უარი უნდა თქვას თავის იმპერიულ ამბიციებზე და უნდა შეჩერდეს. თავისუფალმა სამყარომ უნდა აიძულოს რუსეთს ამის გაკეთება – ამის შესახებ პოლონეთის პრეზიდენტმა, ანჯეი დუდამ განაცხადა, რომ ცივილიზებულმა სამყარომ რუსეთი უნდა აიძულოს, მისი იმპერიული ამბიციები შეაჩეროს.
როგორც დუდამ CNN-თან ინტერვიუში აღნიშნა, უკრაინა რუსეთის იმპერიულ ამბიციებს გაუძლებს.
“რუსეთმა უარი უნდა თქვას თავის იმპერიულ ამბიციებზე და უნდა შეჩერდეს. თავისუფალმა სამყარომ უნდა აიძულოს რუსეთს ამის გაკეთება. ჩვენ მხარს ვუჭერთ უკრაინას, რადგან გვჯერა, რომ თუ უკრაინა გაუძლებს რუსეთის იმპერიულ ამბიციებს, მაშინ რუსეთს მოუწევს შეაჩეროს ეს იმპერიული ამბიციები”,- განაცხადა დუდამ.
მისი თქმით, რუსეთი არის ასეთი იმპერია, რომელსაც აქვს კოლონიური ამბიციები.
დუდამ ჩამოთვალა ქვეყნები, სადაც რუსეთი ცდილობდა გავლენის მოხდენას, მათ შორის საქართველო, მოლდოვა და სირია.
“მას სურს დაიმორჩილოს სხვა ერები და სხვა ქვეყნები. მას სურს მათგან მოგება მიიღოს. და ამის საუკეთესო მაგალითი დღეს უკრაინაა. მაგრამ არის სხვა ქვეყნებიც. ბოლო წლებში, 2008 წელს რუსეთი თავს დაესხა საქართველოს, ასევე, მუდმივი პრობლემაა მოლდოვაში, სირიაში. ასე რომ, რუსეთი ბევრი ქვეყნის დესტაბილიზაციას ახდენს”, – დასძინა მან.
